Eliseo "Tang Eli" Cadiang
Kagabi ay binigyan ng parangal ng ibat ibang progresibong organisasyon dito sa Tarlac ang isang organisador at isang magiting na lider. Siya ay si Eliseo Cadiang o mas kilala sa tawag na Tang Eli o Ka Eli.
Nakaranas man ng pandadahas sa kamay ng militar noong panahon ni Marcos ay hindi siya nagpatinag bagkos ay nagpatuloy na magorganisa. Isa siya sa mga tumulong sa pagtatatag at pagbuo ng BAYAN MUNA kasama sina Ka Satur Ocampo at ang iba pa.
Pinakamataas na pagpupugay ay binigay sa kanya sa kanyang huling gabi. Tunay na madami siyang nagawa at naorganisa dito sa Tarlac. Walang katumbas na salita ang pwedeng ihambing sa kanya.
Nagbigay ng mensahe ang Pambansang Kalihiman ng BAYAN at gayundin ang mga lider ng mga progresibong organisasyon, kabilang ang BAYAN Tarlac, AMGL, LFS Tarlac, at gayundin ang mga taga Hacienda Luisita.
Paalam Tang Eli. Mananatiling buhay ang iyong mga aral para sa tagumpay ng ating laban.
Mabuhay si Tang Eli!
Mabuhay ang mamamayang lumalaban!
No comments:
Post a Comment